小如維尼戲劇札記

這劇的第一集,真的很過癮。沒有那些煩人的愛情,也沒有什麼主角童年戲,沒有什麼幸福美滿吵鬧片段,有的只是一節又一節的現實,告訴我們港女梁巧芝是怎樣鍊成的。

沒有嬌人身段的她的愛情生活,一直多姿多彩。有一直單戀的觀音兵阿輝、有願意為她捐腎的經理、有 分手後相遇仍念念不忘的地產男、仲有激進深情的強哥...從她與親人的對話,可知梁巧芝的感情生活一直都是滿滿的。

只是,她想要的,有著「嚴格」的要求。

情節:男友daivd捐腎於芝的大伯父，病在醫院。

芝：你明知我唔會俾你咁做家啦，你唔通想呃我一世啊？

ｄ：（感動狀）

芝：你喊咩野姐？我都未鬧完！

ｄ：我唔係喊，我係開心。大早我估你唔會俾我捐個腎出來，我都係自己估下家咋， 你而家開到聲鬧我，你緊張我，我真係好開心(很多港劇都會有這樣的突然感動)。仲有，你話我想呃你一世，原來我係你心目中，你真係想同我一世家。

呢隻求婚戒指，我想送俾你好耐家啦。我知，我得廿八歲係唔夠成熟，而且我只係一個小小的經理，月薪加埋housing都係得個十一、二萬係少左ｄ， 但係我應承你啊．．．

芝：(她的回應,真的一絕!在這樣情深的話下,通常會有的願意等的回應...怎 料...)我話你知，我之所以想問你呃我一世，係因為我呢一世人開憎人以為自己有本 事可以呃我一世啊！我不想你捐個腎俾大伯公，係因為我唔想欠你啊，我地都分手囉，仲咩搞咁多手尾啊。

ｄ：我有咩做得唔好，我會改家

芝：你生得唔夠高呀，點改呀

ｄ：嫌我矮？

芝：係唔襯啊！唔襯呢樣野，一世就一世家啦，我唔就咁就一世啊！

ｄ：咁你要咩人先襯得起你啊？

對!什麼人都襯不起高要求的芝。當然,編劇並不是只想寫一個「港女」的故事,而是香港的怪人怪 事,揶揄與諷刺。

香港的女孩,要求高,心頭大。得到 一個穩定的,卻不滿足,總希望「下一個更好」。是次這位捐腎男,就是反映了女孩子不甘心的問題。當然,不可一竹打沉一船,但,不甘心不滿足的女孩,真的很 多...試問,男孩也不是一定要照顧女孩,也不一定要賺多過女孩...

芝很香港,有要求,要面子,不滿足。

所以,她願意與不同男人交往,期望下一個更好!當她成為第三者時,她沒關係,家人不喜歡,她照樣 在一起,直到那男人與妻子分開,她也繼續願意成為人家後母。她對那男人的條件,很滿意。

情節:與離婚男友兒子(10歲)食飯

芝:你鍾意個部模型車聽日有貨啦,我可以攞俾你家啦。你想食d咩野呀?不如我叫個香蕉船俾你食好唔好 呀?

侍應:先生,你杯熱齋啡啊。

子:自 己知自己事啦,女人唔同男人啊!男人三十幾歲,好似我爹d咁啊,有車有樓有事業,成諒穩重又高學歷。而家行出街,有價有市啦。但你睇下你,三十幾話? (芝避而不答 不視)而家連幫佢接個仔放學都遲到,似咩野樣啊。廿一世紀要做人後母,要俾d心機先得家。

芝:我下次會記住家啦(微笑狀)。

子:唉(搖搖頭飲齋啡)

所以,即使面對如此「惡搞」的兒子,她也死忍,對著男友時盛讚說謊與兒子相處融洽。

那位兒子,人細鬼大。是扮大人而已!是什麼令我們的下一代長大,成為沒有童年的小孩呢?飲齋啡,說著諷刺十足的話,雖然是誇張了,但不可否認,香港的孩子愈來愈不像小孩,是kidult...他們真的明白嗎?真的知道世道險惡?說的是真相,可是卻在十歲小人的口中說出,多諷刺啊!

對於芝,這是愛嗎?大家都知道,香港人的愛情,離不開現實,分不清飯票與穩定,以及水泡。

試驗,永遠是讓人失望。千萬別想試自己的另一半,結果是一定讓人傷心欲絕。

離婚男友的試驗,芝是決絕乾脆的分手,雖然內疚,卻仍將責任推予男友,這兒的芝,是現實、是正 常。沒有飯票的不是愛情。

她的愛情,有市有價。

喜歡她怒罵男友的片段,沒什麼意義,純粹夠賤!我喜歡!

情節:離婚男友以炒輸股票令芝與他分 手,卻讓芝發現其另結新歡(年輕貌美)才是真相

芝:我終於知道你玩咩野啦,咩投資失敗,咩大耳窿,咩洗黑錢,通通都係攞來陰我姐,根本就係識左第二個女人。你想分手咪分手囉,你大男人來家,竟然做d咁肉酸咁自私既野!你做得出就唔怕認啦!

離婚男友:而家邊個核突啊,一聽到自己男朋友冇錢就唔想上身,唔想幫忙不特止仲要講分手添,唔試過你都唔知你咁自私,你咪仲肉酸過我。

芝:好!有本事,架勢啊!你唔好以為你個仔出左世有屎忽我就咒唔到你啊,我鬼唔望佢第時追住男人屎忽追一世,你冇孫送終啊!

真係絕!這比咒人家沒子送終更毒...想一想機率問題~

第一集要說的內容真的很多,很豐富。除了芝,還有單戀芝多年的兩個人,阿輝與強哥。

阿輝的手提電話十年史,應該是最讓人有深刻印象。1999 2003 2007 2009 四段時間,說社會大勢,也說芝的十年。

1999

阿輝:「我呢部機接收強,特大儲存量,跟機送兩舊電,仲有一年保養,所謂色靚樣型功能勁,我呢個電話包補係最新型號,行貨要出年先有,我地年頭已經有得賣,不過賣剩一部姐。放心 喎,我地呢部電話千年虫都唔駛驚。

唔信?唔信試俾你睇。」

「喂,yvonne啊」「邊位啊」「阿輝啊!無,幫個客試機姐。你而家好忙啊,今晚得唔得閒姐?」

2003(沙士)

阿輝:「Sharping彩mon,40和弦,30萬像鏡頭,仲可以聽埋收音機,所謂色靚樣型功能勁,我呢個電話包補係最新型號,行貨要第三季先有,我地年頭已經有得賣,不過賣剩一部姐。放心 喎,我地呢部電話聽我特別清,就算而家人人都戴住口罩講電話都唔怕聽得唔清楚。

唔信?唔信試俾你睇。」

「喂,yvonne啊」「邊位啊」「(除口罩)我係啊輝啊!而家認得我把聲啦!無,又幫個客試機之麻。喂今日星期日喎,陣間得唔得閒姐?」

2007

阿輝:「2.6吋mon,mp3鈴聲,320萬像鏡頭,內置8gb記憶體, 所謂色靚樣型功能勁,包保係最新型號,行貨都仲未見影,我地上個月已經有得貨賣,賣剩一部家咋(個客聽到呆左)。最緊要部機係可以上到網,俾你睇住個股市價位,隨時隨地睺實個走勢,到時莫講話三萬點啊,轉頭上到三萬七點你都可以快人 一步睇到啊。

唔信?唔信試俾你睇。」

「喂,yvonne啊,又係我,阿輝啊!仲係公司?就來五點喎,放工有冇野做呢?」

2009

阿輝:「Touch mon32吋鏡頭,window mobile,gps、上網、打機咩都得, 所 謂色靚樣型功能勁,就 算出面的水貨都冇得地行貨來得咁快」

「(song門市)先生,你對我地公司呢部電話都幾熟喎,唔講仲以為係公司sale添」

「唔好意思,我以前都係呢行家,手勢慣」

「先生,部機啱唔啱啊,可以幫你試」

「等我試啊,喂,yvonne啊…」

香港人,肯拼搏,只是說及創意,就真的乏善可陳。每一個年代,都總有特色, 但共同的是,我們都追潮流。十年相同的銷售技巧,轉通?靈活?最後2009年阿輝轉行為賣保險,因為雷曼未爆時,保險業很潮呢!

以上的十年,除了是回顧香港,表現阿芝的十年,也是苦戀十年無果的阿輝血淚 史。

每一次,都是芝cut線...從這已知,芝一直都只當輝是朋友,一個她會接 電也會cut線的朋友。即使輝如何主動,芝也只當他是朋友。幸好,輝不是強哥那種「強人所難」型,所以才能不是情侶也能為友。

強哥,由羅莽飾演,這個角色,真的很經典!(好笑的那種)

第一幕:強哥十年前以刀求愛

強：我而家水清都唔清啊，監都有得坐，仲講食飯？

ｙ：邊有咁容易啊！哪，緩刑又唔定喎，守行為啊 社會服務令又唔定喎，再唔係真係真係真係咁唔好彩啊，坐個兩個月監，七除八扣啊，講真啊，可能只係坐得個十幾日家咋。

再加埋我會日日來睇你家麻，我仲會晚晚都寫信俾你，你邊度會覺得悶啊。

強：你真係會來睇我？你真係會寫信俾我？

ｙ：係！梗係啦！

諷刺香港的法律,犯事也不一定坐牢,判刑時間與真正坐牢時間可以不成正 比...這令我想起很多撞死人、殺死人、又或犯嚴重罪行的案件...

第二幕:強哥十年後脅持芝上天台求愛

強: (超深情低沉tone)十年來,我對你朝思暮想,等既,就係此時此刻同你單獨相處,你竟然話要走,你有冇家教啊下?

芝: 我都冇野想同你講!

強: 你冇,我有啊

(談判專家到…)

強:係佢呃我在先家。當年,佢話會同我做好朋友,但呢十年來,佢從來都冇探過我,就連我寫既信都通通打回頭,枉我仲為左你在監個度考會考,讀大學,仲讀左三個課程,你知唔知?但係你點啊?! so what! 你根本就係冇我, 你當我一pat野呀!!! (先生, 你冷靜d) Stop! It's none of your business! Get out of my sight! And leave me alone here! Get out! Go! Go! ...... 一個男人既心靈係可以好脆弱. 我呀, 我都係感情既動物黎架......我為左佢已經犠牲左男人最寶貴既十年......我宜家乜野都冇!

芝: (一巴打過去)咩都冇又關我咩事啊!你大男人一個,同我講咩青春,咩碎弱啊,呢d係咩野啊!你地d男人呀六、七十歲仲可以包個廿一、二歲,我呢?我今年35歲啦,男朋友都冇個,番到公司仲要俾d賤男歧視,番到屋企仲要俾d老人家囉嗦,我d錢俾d基金蝕曬啦,我冇得隆胸,仲有乳癌,你有d咩野慘過我啊!! 

強:  傻女黎既, 發生左咁多事, 邊解唔早d同我講呢. 你唔係得一個人, 你仲有我. I am right here. You are not alone, babe」

想笑的是,羅莽說英文真係好得!哈哈~當然,也反映了,在香港坐 牢的人很幸福~有書讀,仲可以讀大學~

男人隨年齡的增長愈有好處

女人隨年齡的增長愈受歧視



也許,劇情不重 要,重要的是,看到很多只屬於香港人的回憶...與現實...

ps:第一集最後一幕,芝 將要變成女超人janet bin而避入廁所,強哥到醫院找芝...

你仲咩要避我呀? 你知道我係幾咁愛你架la. 你點避我都好, 都唔好避入黎洗手間啊. 你有冇睇過d恐怖片呀. d主角點避都好, 只要佢一入到洗手間, d壞人就一定會入到黎. 我唔係壞人呀, 我係一個愛你的人. 你比我帶你離開呢個地方.

好多恐怖電影都是這樣的...絕對諷刺!哈哈~