舊文轉載 - 2018年7月
我就是那種邊看邊驚的觀眾。(驚到掩嘴唔敢叫抓髮想自己冷靜)
因為最近 #VIUtv 在放第二季，又因為天氣熱而喜歡看「幾分鐘看靈異電影」的短片（二次創作＋速食文化）消暑，所以就想補回第一季再考慮看第二季。一看，欲罷不能！
節目１０集，每集半小時，男主持到台灣而女主持到日本，各自尋找當地最鬧鬼的酒店與地方進行３日２夜的探險，再梅花間竹的播出。一集一地方，而播出鏡頭會由「陰陽眼」朋友指示靈物在鏡頭哪一處，主持人的驚與畫面指示靈物的字幕呼應，睇到個心都離一離。
首先，我真的比較喜歡看 #莫竣名 （#沙膽哥 ／ LOUIS）主持的台灣篇，完全是「嚇死寶寶」之旅。25歲的他十分大膽，訪問當地居民的士司機酒店職員，面對陌生環境仍然傻氣地行入Ｄ，行遠Ｄ，一有風吹草動會再行入Ｄ，感覺不對就講曬粗口捉住攝影師暴走，所以節目會不斷出現「嘟嘟」聲。在螢光幕前驚緊的我，一聽到佢講粗口就覺得非常治癒！因為，連我都嚇到想爆粗！！！特選３大維尼覺得最驚嚇的地方：
3. EP7台灣高雄漢來大飯店，沙膽哥係痴線家!佢犯曬入住酒店的10大禁忌(唔敲門、打開酒店聖經讀、開傘..)然後，在佢讀經的時候，佢真係聽到聲…跟住，佢太攰訓左。而錄影到佢訓左個陣衫會自己飄動一段時間再停左。
2. EP3台北西門町西寧國宅(類似香港公屋)，沙膽哥真係搵命搏！當佢地入到去，陰陽眼靈體出現的字幕效果係不斷出現，而國宅的環境真心超恐怖（外加２０年死３０人的新聞）。再加上實地拍攝照片與錄影即時傳給師父，他都說猛（厲害）的時候，將國宅的恐怖感提升到極上的層次!
1.EP9台南杏林醫院，一座已荒廢的大廈。大佬級的探險，攝影師比沙膽哥更驚。
莫竣名超適合做靈異節目主持，勇敢，同時又會怕，怕完又係咁訓覺，好似無野會阻止到佢訓同食，神經非常大條；幽默風趣驚起上來粗口橫飛，佢就好似你身邊的朋友咁，我會忍唔住替佢擔心。總之，睇住探險係既爽快又緊張刺激，似是與他同步一樣。
至於日本女主持 #林婷，除了最初幾集升降機門靈異點外，她的表演真的有點趕客。「好驚啊」、「唔好啦」、「點解我要入去」、「我唔想」…一系列的不嘗試令節目走向平淡。相比在沙膽哥單純灑脫，縮頭縮尾的林婷頓時失色不少。
一定會睇第二季，繼續嚇死自己。
#莫竣名鮮肉真係好過癮
#林婷第2季都有佢係咪可飛來睇
#自己睇但身邊一定有人先敢睇
#風吹頭髮水管聲都會令我個心離一離
#凌晨打呢篇文都好驚…
#港女講劇
留言列表
