小如維尼戲劇札記

舊文轉載 -  2018年7月

唔講得笑，比上一季更恐怖！

主持仍然與上一季一樣，男主持 #莫竣名 (AKA #沙膽哥, LOUIS) 到泰國，女主持 #林婷 到馬來西亞。

恐怖感加強，除了因為泰國與馬來西亞本來就多靈異事件，而入住的酒店與探險地都曾經發生死亡事件及靈異之事，同時主持會嘗試不同的「見鬼」活動，更重要是播出的畫面中的鬼眼指示愈來愈具體的形容「鬼」的行為與形態（如「兩個頭一個身，企在中間怒視攝影師」，渲染氣氛。

沙膽哥仍然膽生毛，但明顯因為泰國太恐怖，連訓都唔安穩，食同訓都好重要的佢真心驚。

EP1沙膽哥到達泰國酒店，唔睇鬼眼字幕，只係去到酒店開唔到房門已真心驚，再去全黑的宴會廳，有風吹而攝影師又聽到聲。然後，加埋「超具體」鬼眼指示，心都寒埋。而EP3他仲要去碎屍滅門的荒郊大廈，驚到不停講粗口定驚。喜歡睇沙膽哥係因為佢好願意去試好願意去行，而且與攝影組互動自然，即使佢唔多想都會坦白自己係被迫然後繼續行，絕不拖拉。當遇到疑似靈異事件，在當下佢個樣會驚，但講出來就會係「導演經過姐、無野既」、又或者「我覺得有Ｄ野，唔好而家講」，安慰自己又能引起觀眾懸念。

至於林婷，的確比上季大膽，自動提出行入Ｄ行遠Ｄ。但，她的表現始終不及沙膽哥自然，總覺得她少了那種與人的互動，自己在自說自話。但，她去的地方真的非常恐怖，而她夠膽在全黑地下停車場行一個圈再落下層再行，勇氣直上雲霄！在酒店房仲要玩引鬼遊戲，之後電視與攝影機突然關機…真係少Ｄ勇氣都唔敢一個人。總括來說，她比上季勇敢，卻又少了上季與工作人員互動的真實感。

推介給喜歡看靈異真人秀的你，星期一至五晚上10半，#VIUTV。

#疑心生暗鬼
#又要驚又要睇
#第二季鬼眼字幕令恐怖度加倍
#好記得台灣師父話佢地搞唔到沙膽哥就會搞攝影師阿聰
#港女講劇